دينا شعبان هي واحدة من مصممين الأزياء المصريين المفضلين بالنسبالنا. ليها بصمة واضحة وقوية في الاستايل “البوهيمي” بقالها فترة مش قليلة دلوقتي. دينا بتستخدم مطبوعات جميلة وملونة وبتصاميم رائعة ومش تقليدية بتخلي أي واحدة شكلها جميل ومش متكلف وفريدة من نوعها. تعكس المطبوعات والألوان والتصميمات المنظمة في تصاميم دينا شخصيتها المرحة والمنطلقة. في فترة اكتشاف نفسها وبدء مشروعها الخاص، ديانا مرت برحلة عاطفية صعبة في معركتها مع الاكتئاب. كجزء من نشر الوعي عن المرض ده، قعدنا مع دينا علشان نتكلم بصراحة عن معانتها مع المرض وشفائها منه.
“الإكتئاب شعور بيخليك تحسس بالشلل. بينتشر جواك فجأة؛ وبيسيطر على قدرتك على التفكير، والرؤية، والاحساس بمشاعرك بوضوح. بتحس إنك متخدر ومش واعي بالعالم حواليك، لكن في نفس الوقت هو شعور قوي جداً جواك” دينا بتقول.
المرض الصامت ده بيأثر على كتير في كل أنحاء العالم، وخطورة الإكتئاب مش معروفة بشكل كبير علشان مفيش حد بيتكلم عنه. دينا بتقول “أنا ماكنتش عارفة أتكلم عن مشاعري مع لإني ماكنتش فاهمة إيه اللي أنا حاسة بيه ده. مافهمتش غير بعد ما مريت بيه، وعالجته بطريقة صحية، ساعتها بس قدرت إني أناقش وأشرح مشاعري دي كانت عبارة عن إيه.”
اعملوا حاجة واحدة كل يوم تخليكوا تحسّوا بالسعادة؛ حتى لو كانت خمس دقايق في الشمس، أو كباية قهوة مظبوطة أوي. وأخيراً اتكلموا مع الناس واحكوا لهم مشاعركوا، ده هايساعدكوا تشوفوا كل حاجة بوضوح أكتر. اطلبوا المساعدة؛ ماتعدّوش التجربة دي لوحدكوا.
دينا بتحكي عن سبب خروج مشروعها للنور وبتقول “خطوة إني أبقى مصممة أزياء كانت حاجة أنا حسيت إني محتاجة أعملها بكل ذرة في جسمي. اللبس، بالنسبالي، هو شكل من أقوى أشكال التعبير عن النفس. بحس إني جيت العالم ده علشان أساعد الستات يكونوا أقوى من خلال لبسهم لتصاميمي. مشروعي إتولد بسبب إحتياجي للهروب من الإكتئاب.”
بغض النظر عن كونها مصممة أزياء موهوبة جداً، دينا كمان مُدربة لياقة هايلة في Ignite مصر. الرياضة والتمارين والـgym كانوا سبب كبير في إنها تعرف تتخطى رحلتها الصعبة مع الإكتئاب. دينا بتقول “في حاجات بنستعملها علشان تساعدنا نبقى أحسن، ومن أهمهم الرياضة. في الساعة اللي بتدرب بيها فيها ماكنتش بفكر قد إيه أنا حزينة وبائسة. الرياضة ساعدتني أخرج برّه قوقعة إكتئابي، وآخد خطوة ناحية بيئة صحية، وسعيدة، وكلها طاقة.”
الإكتئاب بيسحب من طاقتك وحماسك، لكن مفيش شك إنه شعور يُمكن التغلب عليه وتخطيه والتخلص منه كمان. دينا عندها نصيحة ممكن تساعدك في التعامل، وتجواز الإكتئاب. “بشجع الناس اللي بيحاربوا مرض الإكتئاب إنهم يشتغلوا في مجموعات، ويخرجوا برّه قوقعة الإكتئاب والبؤس. وكمان اعملوا حاجة واحدة كل يوم تخليكوا تحسّوا بالسعادة؛ حتى لو كانت خمس دقايق في الشمس، أو كباية قهوة مظبوطة أوي. وأخيراً اتكلموا مع الناس واحكوا لهم مشاعركوا، ده هايساعدكوا تشوفوا كل حاجة بوضوح أكتر. اطلبوا المساعدة؛ ماتعدّوش التجربة دي لوحدكوا.”
ترجمة: تسنيم عبد الله
