شوربة الخضار بالكسكسي

المقادير

5 كوبايات شوربة فراخ\ أو لحمة حسب المتوفر.

وممكن نستبلدهم بمياه ومكعب مرقة دجاج.

3 ملاعق كبيرة زيت

1\4 كوباية بصل، متقطع قطع صغيرة

1 ملعقة كبيرة ثوم مفروم

3 حبات بطاطس متقطعة صغير

1 جزر متقطع مكعبات

1\4 كوباية بسلة مجمدة

1\4 كوباية فصولياء خضراء

1\4 كوباية كرفس (اختياري)

1\2 كوباية كسكسي

ملح وفلفل حسب التذوق

طريقة التحضير:

هانسخن حلة كبيرة على نار متوسطة، ونضيف الزيت.

هانضيف البصل لمدة دقيقتين

بعدين الشوربة أو المياه

وبعدها هانحط الخضار واحد ورا التاني، بس هانبدأ بالبطاطس لمدة 5-6 دقائق

والجزر لمدة 3-4 دقائق

وبعدهم هانضيف باقي الخضار.

هانسيبهم يستووا من غير ما نغطي الحلة، لحد ما البطاطس والجزر يطروا. (تقريباً 20 دقيقة).

وأخيراً هانضيف الكسكسي، لمدة 5 دقائق كمان. لحد ما يستوي ويبقى طري.

ونزوّد ملح وفلفل.

 

اختياري: (هانعصر 1\2 ليمونة، ونزين بالبقدونس الطازة) وبالهنا والشفا!

 

 

No Comments Yet

Leave a Reply

Your email address will not be published.