المطر، البطانيات الدافية، الكاكاو السخن: دي كلها حاجات بتعرفنا إن الموسم اللي (تقريبًا) كلنا بنحبه وصل. على الرغم من البرد، فصل الشتاء بيبقى دايمًا فصل مُريح لينا، بس الحاجة اللي مش بتبقي مريحة أبدًا هو بشرة الشتاء الجافة. ممكن نكون بنحس إن جفاف البشرة هو جزء من تجربة الشتاء، بس مش لازم أبدًا ده اللي يحصل. جمعنا لكم أكتر نصايح بنحبها عشان نحافظ على بشرتنا في الشتاء ونخليها دايمًا رطبة وصحية مع لوريال باريس.
اشربي مياه كتير
كل حاجة بتبتدي من جوه ل برا، عشان كده الترطيب لازم يبدأ بشرب المايه. لازم تشربوا ميقلش عن ٨ كبايات مياه في اليوم للحفاظ على رطوبة بشرتك ونضارتها في الشتاء.
متنسيش الوقاية اليومية من الشمس
الشمس في الشتاء مش بتبقى قوية زي الصيف، بس بتسبب نفس الضرر على بشرتك. عشان كده لازم تحطي كريم الوقاية من الشمس كل يوم.
استخدمي سيروم حمض الهيالورونيك أسيد من لوريال باريس
سيروم حمض الهيالورونيك من لوريال باريس بيساعد على إصلاح التجاعيد، تأكيد الملامح وإعادة تصليح الجلد. وشنا في الشتا بيبقى محتاج ترطيب زيادة عن اللي بيقدمه مرطبنا المعتاد، وده اللي بيقدمهولنا سيروم الهيالورونيك أسيد من لوريال باريس.
استخدمي منظف مرطب للبشرة
ممكن يكون منظف بشرتك المعتاد تقيل على بشرتك وبيجففها في الشتاء. مع برودة الجو، بشرتك بتحتاج ترطيب أكتر. مجموعة هيالورون اكسبيرت الجديدة لتنظيف البشرة من لوريال باريس تعتبر بديل كويس جدًا لجفاف الشتاء. أولهم، جل هيالورون اكسبيرت غسول الوجه، الجل بيتحول لرغوة ناعمة على البشرة، وبسبب عنصر الهيالورونيك، بينظف البشرة ويرطبها، وينفع استخدامه لكل أنواع البشرة لنعومته وفايدته.
متنسيش زيادة الترطيب للبشرة!
لبشرة نضرة ولامعة، هتحتاجي مجموعة كاملة لترطيبها. لوريال باريس مش بس بيقدموا اختيارات هايلة لكل أنواع البشرة، بيقدموا كمان مجموعة كاملة بس عشان تحمي بشرتك من الجفاف.
مرطب هيالورون اكسبيرت لنهار هو أحسن مرطب ممكن تختاريه لبشرتك في الشتاء. مش هتبقي مضطرة تقلقي من الشمس لأنه كريم مرطب نهاري بحماية من الشمس بدرجة 20 SPF. مرطب هيالورون اكسبيرت للنهار فيه نوعين من حمض الهيالورونيك: حمض الهيالورونيك الجزيئي العالي عشان يساعد في ترطيب ونعومة سطح الجلد ويساعد حمض الهيالورونيك الصغير على تبديل البشرة بالرطوبة، وبينعم الخطوط الدقيقة، وبيساعد على توهج البشرة.
عناية ليلية بالبشرة؟ أيوة طبعًا!
مرطب هيالورون اكسبيرت الليلي هيحضر بشرتك لليوم اللي بعده. لما تصحي هتحسي بكل الانتعاش والترطيب. الكريم الليلي لكل أنواع البشرة حتى البشرة الحساسة.
آخر حاجة هي كريم العين المرطب من هيالورون اكسبيرت، هيصلح الخطوط الدقيقة في بشرتك وتعب تحت العين. كل اللي هتحتاجي تعمليه هو إنك تحطيه مرة يوميًا علي جفن العين من جوه لبرا.
روحي لدكتور جلدية، متأجليش معادك
لو بيحصلك مشاكل كتير في بشرتك بسبب البرد روحي لدكتور جلدية عشان ينصحك. دكتور الجلدية ممكن يساعدك في تنظيم روتين للعناية ببشرتك في الشتا، وهينصحك ب اللي بشرتك محتاجاه بالظبط. الخطوة دي هتوفر عليكي كتير في عالم العناية بالبشرة.
دول أكتر نصايح بنحبها لبشرة الشتاء. إحنا عارفين إن الشتاء ممكن يكون برد وجاف، بس ممكن برضه يبقى دافي لو أخدنا بالنا من نفسنا. جه الوقت اللي المفروض ناخد بالنا من نفسنا فيه، زي كل الأوقات.
