في شهور الحمل، اختيار اللبس بيبدأ يصعب كل شوية وكل ست بتبقى بتدور على اللبس اللي يبقى شيك وشكله حلو وكمان مريح بالنسبة لها. لبس الحوامل منتشر في أماكن كتير وبيبقى فيه أقسام مخصصة ليه في محلات الهدوم عشان تتأكدي إنك في كامل أناقتك وكمان راحتك في شهور الحمل. احنا جمعنالكوا أشهر الأماكن اللي هتلاقوا عندها لبس مناسب في فترة الحمل تحبوه وترتاحوا فيه لحد الشهر التاسع.
إتش أند إم
الفساتين المخصصة للحوامل هي من أشهر وأحلى الحاجات اللي ممكن تجيبوها من إتش أند إم وتليق جدصا بالذات في وقت الربيع والصيف. كمان البنطلونات الواسعة والمشجرة من الحاجات اللي بتفضل موضة وفي منها تشكيلة حلوة عندهم للحوامل.
ال سي وايكيكي
السالوبيت الجينز هو من أشهر وأسهل لبس الحمل وده اللي موجود عندهم ومشهورين بيه وتقدروا تلاقوه بسهولة. غير كدة، هما معروفين بتشكيلة البنطلونات الجينز بتاعتهم سواء للحوامل أو لأ واللي ليها أكتر من قصة تقدروا تختاروا منها على حسب جسمكم.
نيكست
عندهم تشكيلة من البنطلونات وكل ستايل مختلف عن التاني. مش بس الجينز هو اللي بيركزوا عليه بس فيه بنطلونات قماش وجلد هتقدروا تختاروا ما بينهم وتنقوا الأنسب لكم.
زارا
عندهم كذا حاجة ممكن تنفع للحمل وهتبقى شيك جدًا زي ال jumpsuits أو البلوزات ال oversized واللي بتبقى مناسبة لكذا حاجة فممكن تلبسوها كاجوال أو في الشغل وحاجات سيمي فورمال.