الأكلة السهلة اللذيذ اللي تشبع مفيش أحسن منها، الطبق ده هايظبط يومك ومش هاتخدي في تحضير أكتر من 15 دقيقة.
المقادير:
1 كيس مكرونة بينّا من Italiano
3-4 ملاعق كبيرة زيت الزيتون
2 فص ثوم ، مفروم
2 صدور فراخ ، مقطعة مكعبات
½ كوب مشروم فريش
عصير 1 ليمونة
¼ كوب جبنة بارميزان مبشورة
½ كوب من البقدونس ،مقطع
ملح وفلفل حسب الطعم
طريقة التحضير:
سخني زيت الزيتون في حلة وأضيفي الفراخ ،وحركيها لحد ما تبقى مكعبات الفراخ لونها بني ذهبي من جميع الجهات.
ضيفي المشروم وحركيها لحد ما تبقى طرية، ثم الثوم ، وحركي كل حاجة مع بعض لحد ما تطلع ريحة الثوم.
ضيفي المكرونة ومياه كفاية تغطي كل المكونات،
وطّي النار لمتوسطة أو منخفضة
وسيبيها لحد ما تتبخر كل المياه والمكرونة تستوي.
طفي النار وضيفي عصير الليمون والبقدونس
مع رشة من البارميزان قبل التقديم.
