لازنيا نباتية بالجبنة والأعشاب

مش معنى إنها لازنيا مفيهاش لحمة تبقى مش لذليذة، بالعكس!

المقادير:

كيس مكرونة لازنيا من Italiano

1/8 كيلو جبنة ريكوتا

1/8 كيلو جبنة موزاريلا طازجة

1/8 كيلو بارميزان

1 علبة كبيرة كاملة طماطم مقشرة

1 ملعقة كبيرة صلصة طماطم

1 بصلة متوسطة الحجم ،مقطعة

2 فص ثوم ، مهروس

3 ملاعق كبيرة من زيت الزيتون

ريحان فريش

روزماري فريش

توابل مجففة

الزعتر فريش

الملح والفلفل حسب الذوق

طريقة التحضير:

قطعي الروزماري والزعتر تقطيع ناعم واخلطيهم مع الجبنة الريكوتا، وخليهم على جنب. ابدأي بتحضير الصوص، سخني زيت زيتون في حلة وضيفي عليه البصل، وقلبيه باستمرار. لما البصل يطرى ويصفر، ضيفي الثوم والأريجانو المجفف. كملي تقليب لحد ما البصل يدبل والثوم تظهر ريحته. بعد كدة ضيفي الطاطم المتقشرة ومعجون الطماطم ورشة من الريحان والتوابل حسب الرغبة، قلبي لحد ما كل حاجة تتخلط مع بعضها. لما تغلي وطّي النار عليها شوية لدرجة متوسطة وسبيها لمدة ساعة أو لحد ما الصوص قوامه يتقل. جهزي كل حاجة جنبك علشان تحطيها على بعض، في صينية ابدأي بطبقة من صلصة الطاطم، بعدها طبقة من اللازانيا. وفوقيها الريكوتا، الموتزاريلا، ورشة جبنة بارميزان. حطيها في الفرن لمدة 30 دقيقة.

 

No Comments Yet

Leave a Reply

Your email address will not be published.