المقادير:
1\2 كباية صوص الترياكي
2 سالمون فيليه
1 كباية كينوا
1 حباية فلفل أحمر مقطعة شرايح رفيعة
2 فص ثوم مفروم
1\2 ملعقة صغيرة زنجبيل مبشور
1\8 ملعقة صغيرة فلفل أحمر مرشوش
1\2 ملعقة صغيرة سمسم
1\4 كباية كزبرة
زيت زيتون
ملح وفلفل
طريقة التحضير:
- تحضير السلمون
اظبطي الفرن على درجة حرارة 200 درجة
حطي السلمون في كيس واقفلي عليه وضيفي عليه صوص التوابل وحطيه في التلاجة لمدة من 15 دقيقة لساعة
شيلي السلمون من الكيس، وحطيه في صينية بايركس، ودخليها الفرن لمدة 15-20 دقيقة لحد ما يستوي ويبقى سهل يتقطع بالشوكة
- تحضير الكينوا
بعد ما تحطي السلمون في الفرن، جهزي الكينوا. اشطفيها بماية الحنفية، حطي كباية ونص مياه، ونص ملعقة صغيرة ملح في طبق، وحطيهم على نار هادية لحد ما يغلوا والمياة تنشف خالص. ارفعيه من النار وسيبيه يبرد 5-10 دقايق، بعدها قلّبي الكينوا بالشوكة
- تحضير الخضار
سخني ملعقة كبيرة من زيت الزون في أي حلة على درجة حرارة متوسطة، ضيفي عليه الثوم والزنجبيل وشرايح الفلفل، وسيبيهم على النار لمدة 2-3 دقايق مع التقليب كل شوية
- الطبق النهائي
ضيفي الكينوا للخضار، ورشي عليهم البهارات :ملح وفلفل (ورقائق الفلفل الاحمر لو عايزاه حرّاق) وزينيه بالكزبرة على حسب الطعم.
- التقديم
قسمي الكينوا على طبقين، قدمي معاها السلمون وعليه رشة سمسم وادهنيه بصوص الترياكي.
