إمتى توقفوا محاولات الإنجاب؟

كل ست بتحلم إنها تخلف وتبقى أم، لكن للأسف في أزواج كتير مش مقدّر ليهم إنهم يخلّفوا، أو إنهم يجيبوا طفل تاني. أي زوجين بيواجهوا صعوبة في حصول الحمل دايماً بيبقى عندهم امل إنه ممكن يحصل في يوم من الأيام؛ لكن في حالات لازم يكونوا عارفين إنه مستحيل ويُنصحوا إنهم يبطلوا يحاولوا.

السِّن عامل مهم جداً لحصول الحمل، كلنا عارفين إن فرص الست إنها تحمل بتقل كل ما تتقدم في العمر، الخصوبة عندها بتبدأ تضعف من أول سن 35 سنة، وأكيد بتقلّ خالص في سن الـ 40 سنة. الزوجين لازم يكونوا عارفين إن إحتمالية حصول تشوهات للجنين بتبقى كبيرة جداً كل ما الست كان سنها كبير، إحتمالية إن الطفل يتولد بمتلازمة داون بتبقى كبيرة من أول سن 35.

أي زوجين بيكوّنوا نسل مُصاب بأي مرض بسبب إنهم قرايب أو لأ، لازم يبطلوا يحاولوا يخلفوا. لو التحاليل نتيجتها كانت إن واحد منهم أو هما الإتنين بيعانوا من أي عيوب أو أمراض وراثية لازم يعرفوا إن نسلهم هايجي بيعاني من أمراض خطيرة.

سبب تاني لوقف محاولات الإنجاب هو وجود مرض عضوي خطير عند الأم، زي أمراض القلب، فشل كلوي، فشل كبدي، أو غيرهم. ممكن الدكتور يطالبهم بمنع الحمل تماماً، لإن الحمل هايزوّد من خطر حالة الأم واللي هايسببلها إعاقة خطيرة بعد الولادة. فمهم للزوجين إنهم ياخدوا وسيلة حمل قوية.

الستات اللي واجهوا مضاعفات كبيرة أثناء عملية الولادة، من الأفضل ليهم إنهم مايحملوش تاني. وكمان عدد العمليات القيصيرية للأم عامل مهم في تحديد إماكنية الحمل تاني ولا لأ. مفيش حدد محدد من العمليات القيصرية لكن كل ما عددها زاد كل ما كان في خطورة على الأم.

الست اللي مش مصابة بمرض الريسوس (فقر الدم الخلقي أو المناعة المتماثلة) وجوزها عنده المرض ، معرّضيين   لمشاكل كبيرة جداً في الحمل. في الحالة دي الأم هاتحتاج حقن مادة اسمها Anti D خلال فترة الحمل وبعد الولادة.

أي زوجين عايزين يخلّفوا لازم يستشيروا دكتور ويعرفوا إيه المشاكل اللي ممكن تواجههم، وإزاي يعالجوها، وهل ليها علاج ولا لأ؛ الحقايق لازم تتقدملهم بشكل واضح، ولازم يكونوا واعيين بكل المضاعفات اللي ممكن تحصل خصوصاً في الحالات اللي ذكرناها؛ وفي النهاية لهم القرار.

كتب: د/جاسر البشري

ترجمة: تسنيم عبدالله

No Comments Yet

Leave a Reply

Your email address will not be published.