ترجمة: تسنيم عبدالله
في السنين الأخيرة، المزيكا مابقتش مجرد نغمات بنسمعها في العربية أو في الشارع، ونكمّل بعدها حياتنا عادي. المزيكا بقت إنعكاس للي بنعيشه وبنعاني منه في حياتنا اليومية، وسيلة بنعبّر فيها عن اللي نفسنا نقوله ومش عارفين. أمير عيد فنان من أهم المؤثرين في تغيير انطباعنا عن المزيكا، بصوته المختلف، وكلمات أغانيه المتفردة والقوية اللي بيكتبها هو بنفسه بكل شجاعة، ومن غير خوف؛ علشان يعبّر عن الشارع المصري.
إيه هي “الرجولة” من وجهة نظرك؟
الرجولة هي إنك تكون واعي دايماً لقراراتك وإختياراتك.
في رأيك إزاي المجتمع بيقيم “الرجولة”؟
في صفات كتير بتخليك “راجل” في نظر المجتمع، وده بيتضمن اللغة اللي انت بتتكلم بيها، وطريقتك وسط صحابك وأهلك؛ الأفكار دي كلها بتتبني على أسس العادات والتقاليد.
في رجالة بتعيط؟
أنا مابقتش أعيط زي ما كنت بعيط وأنا صغير، وده بيخليني مضغوط جوايا. آخر مرة عيّط فيها كانت لما والدي إتوفى.
هل في مفاهيم غلط عند المجتمع عن “الرجولة”
المجتمع شايف إن الراجل ماينفعش يشتكي، ماينفعش يكتأب أو يحزن، وماينفعش يعيط. أما الست فماينفعش تعلّي صوتها على الراجل ولا تتناقش معاه.
إزاي أهلك ساعدوك تفهم معنى الرجولة؟
والدتي علمتني إن مفيش فرق بين الراجل والست، فكبرت وأنا ماعنديش أي تعقيدات أو فروق بين الرجالة والستات.
في رأيك إيه الصفة الوحيدة اللي تحب تغيرها في الراجل المصري؟
الفهم الخاطئ للرجولة، يعني الراجل لما يحس بضعف أو قلة ثقة بالنفس يبدأ يعلّي صوته وينفعل ويبقى عصبي، لإنه مابقاش واثق في نفسه كفاية.
إزاي نقدّر نغير نظرة المجتمع عن الرجولة؟
لازم دايما نفضل نحاول نخلق اتزان بين الرجالة والستات. يعني لو هما الإتنين موظفين، هي مضطرة تعمله الأكل.
