اشربي علشان تخسي

ترجمة: تسنيم عبدالله

الصيف قرّب وكلنا بنحلم بفورمة الساحل، بنفكر نظبط أكلنا، بس بننسى نخلي بالنا من اللي بنشربه، في مشروبات كتير عدد السعرات الحرارية فيها بيعدي الـ 500 سعرة. اللي كتير مننا مايعرفهوش إن المشروبات اللي بنشربها ممكن تتخن أو تخسس، فلازم نبدأ نبطل نشرب مشروبات مضرّة، ونبدأ نشرب حاجات صحية تساعدنا نخس ونخلي صحة جسمنا أحسن.

عصير الخضار:

عصير الخطروات فيه نفس الفوايد الصحية الموجودة في عصير الفاكهة، لكن بنص عدد السعرات الحرارية، أغلب عصاير الخضار بتكون غنية جداً بالألياف اللي بتسبب الإحساس بالشبع وبالتالي هاتخلينا ناكل كميات أقل، وكمان الألياف بتقلل نسبة الكوليسترول في الدم وبتساعد على الحركة وزيادة النشاط.

سموذي الفواكه:

اخلطي الفواكه اللي بتحبيها مع اللبن خالي الدسم، ده بديل مثالي للسموذي الموجود في المطعام ومحلات الأيس كريم اللي بيبقى كله سكر ومليان سعرات حرارية.

عصيرالفاكهة:

عصاير الفاكهة مليانة فيتامينات وفوايد صحية، بس مهم جداً إن مايكونش مضاف عليها أي نسبة سكر، والأفضل إن العصير يكون فيه بزر ثمرة الفاكهة لإن البزر غني بالألياف اللي بتساعد على التخسيس.

القهوة:

القهوة ليها فوايد كتير أهمها إنها خالية من السعرات الحرارية، وغنية بمضدات الأكسدة اللي بتساعد على تحسين المزاج وزيادة التركيز، وبتقلل من خطر الإصابة بمرض السكري أوالسرطان.

الشاي الأخضر:

الشاي الأخضر له فوايد كتير جداً للصحة، وبيحتوي على كميات كبيرة من مضدات الأكسدة، وكمان بيساعد على تعزيز عملية التمثيل الغذائي كل يوم، وبالتالي بيساعد الجسم على الحرق بشكل أسرع.

اللبن:

الكالسيوم الموجود في اللبن خالي الدسم بيساعد في التخلص من الدهون الموجودة في الجسم.

مشروبات البروتين:

مشروبات البروتين ليها دور كبير في التخسيس، وبناء العضلات، لأن العضلات بتساعد على الحرق، فكل ما كان عندك عضلات أكتر كل ما كان الحرق أعلى.

المشروبات الغنية بالألياف:

في مشروبات كتيرة بتحتوي على الألياف بتتباع دلوقتي في السوبر ماركت، وبتعتبر وسيلة هايلة للتخسيس، لإن الألياف بتساعد الجسم إنه يتملي وبتخليك تحس بالشبع.

الشاي بالنعناع:

بيتخلص من التقلصات، بيمنع عسر الهضم، بيرخي العضلات، وبيسهل عملية الهضم.

لبن الصويا:

بيقلل من خطورة الإصابة بأمراض القلب.

الهوت تشوكليت:

بتحسّن المود وبتساعد في الحماية من أمراض القلب.

عصير الطماطم:

بيحمي من أنواع خطيرة من السرطانات.

 

المرة الجاية اللي تقرري تخرجي فيها فكري تشربي ايه وماتشربيش ايه عشان تحافظي على جسمك وتكوني دايما في صحة أحسن.