وأنا بدوّر في مكتبة جدتي، لقيت كنز. كاتلوج من 800 صفحة من فترة 1960 في قبضة يدي. قضيت اليوم كله بقلّب في صفحاته بتمعنّ، وتوصلت لهذه النتيجة: حاجات كتير الـmodels ينفع تتلبس دلوقتي. الحقيقة إن التريندات والموضة دلوقتي بقت تستمد إلهامها من كلاسيكيات موضة الستينات. عايزة تظهري في مظهر ستيناتي ماحصلش؟ بنقدملك إزاي تعملي كدة باستخدام بعض المنتجات اللي لاقيناها في الكاتلوج.
هيبورن ستايل
أيقونة الجمال والأنوثة، أودري هيبورن. استايلها وطريقة لبسها بتنقط رقيّ وشياكة. من أول الفساتين اللي لحد الركبة، لحد البلوزات والجيبات الـpreppy. أودري كانت فاهمة كويس أوي هي بتعمل إيه. قطع كتير من اللي شوفناها في الكاتلوج كانت مستوحاة من طريقة لبسها وشخصيتها.
أودري بتكمّل اللوك بتاعها بمسحة ميك-أب خفيفة، رسمة آيلاينر رفيعة، وروج نود. وكمان مفيش حاجة بتكمّل استايل شبه أودري قد إختيار الأكسسوارات الناعمة والراقية، زي مثلاً حلق من Tiffany
تويجي ستايل
أحياناً بنحب نخرج برّه الكمفورت زون، ونلبس ستايل مختلف. النجمة Twiggy هي أحسن واحدة قدرت تبهر الناس كلها بخروجها عن المألوف. الفنانة وعارضة الأزياء الجريئة كانت دايماً بتحب تلبس قطع جذّابة، ومُلفتة. ألوان جريئة، pattrens غريبة، واكسسوارات كبيرة وضخمة. اختارنالك من الكاتلوج بتاعنا القطع دي اللي حسينا إنها شبه ستايل Twiggy جداً.
Twiggy اللوك بتاعها كان مستوحى من فترة العشرينات، ميك-أب تقيل على العين. فمتاخفيش تحطي آيشادو أسود تقيل.
سيدويك ستايل
إيدي سيدوك كانت أيقونة الفاشون والموضة في وقتها، كانت من الناس الإيليت جداً في المجتمع، ومصدر إلهام لشخصيات مشهورة كتير زي أندي وراهول. الاستايل بتاعها كان خارج جداً عن المألوف، وكان بيُعتبر طفرة في الموضة وقتها. بصمة سيدويك في الموضة كانت عبارة عن بلوزات طويلة، أو فساتين قصيرة جداً ومعاها شرابات تقيلة.
أكتر حاجة مناسبة مع اللوك ده، هو الـwinged آيلاينر، روج باهت، وحلق كبير.
ترجمة: تسنيم عبدالله