لازم تكوني استعديتي للصيف، بس هل بيتك استعد؟ قبل ما تلبسي الفليب فلوب بتاعك وتروحي البحر، اتأكدي إن يكون عندك مكان مريح ودافي ترجعيله تسترخي فيه وتجددي من إنتعاشك. تغييرات بسيطة هي المفتاح اللي هايخلي بيتك مستعد للصيف، ولعدد لا منتهي من الضيوف. خلينا نشاركك بحاجات ضرورية لازم تكون في بيتك في الصيف.
إضافات على عفش البيت بألوان المبهجة
الصيف، هو أكتر وقت مثالي لإضافة ألوان مبهجة ومنعشة لبيتك. بالنسبالي، البيت في الصيف لازم يدي الإحساس بالإنتعاش والراحة للضيوف –وده ممكن يتحقق بطريقة واحدة وهي إنك تخلقي التوازن المثالي في المساحات. التوازن ده بيحصل لما بيكون في تناسق بين كل جزء في البيت. في بيت ألوانه كلها أبيض، أو مالهاش لون، ممكن تستخدي ألوان جريئة أو فاتحة علشان تعزز وتتناسق مع ألوان البيت، فكري تضيفي مخدات لونها فاتح، أشكال وألوان الإضاء، ملايات ومفارش ألوانها مستوحاة من الساحل والبحر، اللي هاتنشر روح الصيف والإنتعاش في البيت.
ضيفي فنون مستوحاة من البحر
مين قال إنك لازم تمسكي فرشة وترسمي علشان يبقى عندك حيطة ملونة؟ إنك تعلقي لوحات فنّية هي أسهل طريقة علشان تضيفي ألوان لبيتك وتحوّلي شكله. اللوحات الكبير هاتعمل فرق كبير وجريء في بيتك، هاتضيف للألوان، وهاتحسّن من ديكور البيت.
زيني بيتك بالزرع وضيفيله احساس انتعاش اللون الأخضر
وجود الزرع، واللون الأخضر في البيت بيخلي المكان مُنعش، وكأنك عايشة في جنينة جوا البيت. بالنسبالي الزرع من الضروريات اللي لازم تكون موجودة في أي مكان، علشان تضيف على البيت مظهر طبيعي، وكمان من اللمسات الأخيرة اللي بتجمّل ديكور بيتك. لو خصصتي ركن في البيت للمجموعة من النباتات باستخدام أصيصات الزرع والفازات، اللي بوجودها هاتدّي المكان مظهر طبيعي، ومتجانس.
اختاري البساطة في الأثاث
البيت في موسم الصيف، مش محتاج زحمة ولا حاجات مُتكدسة جنب بعض في كل حتة. حاولي دايماً تحافظي على بساطة ومُشرق. البساطة ووجود مساحات كفاية بيساعد جداً على الإسترخاء –أثاث أقل يعني مساحات أكتر. وبالحديث عن ألوان القماش: أنا دايماً بفضّل إني أخلي ألوان القطع الكبيرة تكون ألوان محايدة (أبيض، بيج، أو رصاصي)، وللتزين بحب أستخدم ألوان (الباستيل، درجات ألوان ساحلية، ودرجات الأزرق)
خلي بيتك دايماً جاهز لاستقبال الضيوف
الصيف كله زيارات وتجمعات، أكيد هاتنبسطي بالزيارات دي لو كنتي مستعدة. والعكس، مش هاتكوني مرتاحة ولا مبسوطة لو ماكنش بيتك جاهز لاستقبالهم. دايماً كوني حريصة إن البيت يكون نضيف، ومُجهز إن حد يبات فيه. واتأكدي إن يكون عندك فوط إضافية –ويُفضّل يكون لونهم عن لون الفوط اللي بتستخدميهم. ومستلزمات الحمام، وكمان ألعاب للأطفال علشان تسليهم.
ترجمة: تسنيم عبدالله