في يوم المرأة العالمي، بنحتفل بإنجازات المرأة في جميع أنحاء العالم. هو يوم بيسلط الضوء على التحديات اللي بتواجهها السيدات، وبالرغم من ده، فهم بيعتبروا مصدر إلهام وقوة للتغيير. يوم المرأة بيعزز الوعي بأهمية المساواة وبيدعونا لتحقيق التقدم لعالم بيحترم كل إنسان بغض النظر عن جنسه. ففي اليوم المميز، نحتفل بروح الإلهام والقوة التي تجسدها الستات حول العالم وبيعد يوم المرأة العالمي مناسبة لتقدير الدور الحيوي اللي بيلعبه الستات في بناء المجتمع وتحقيق التنمية. في يوم المرأة العالمي، لازم نسلط الضوء على الإنجازات اللي شكلت تجربة الستات في رحلتهم اتجاه المساواة واعتراف بدورهم الحيوي في جميع الميادين. كتاب “بنات الأيام دي” بيسلط الضوء على نساء وبنات مصريات اللي اتجرأوا على الاختلاف وإطلاق العنان لقوتهم. الكتاب ده بيعد قصيدة حب لنساء مصر القويات، عن نساء مصريات قويات، لجميع نساء العالم. دي بعض الستات اللي كتاب “بنات الأيام دي” سلط الضوء عليهم:
عزة فهمي
عزة فهمي هي مصممة حليّ مصرية ورئيسة مجلس إدارة شركة حليّ في مصر. اتولدت عزة في سوهاج في صعيد مصر، وإتخرجت من جامعة حلوان بدرجة بكالوريوس الآداب في التصميم الداخلي. وبعدها بدأت تتدرب على تصميم المجوهرات في خان الخليلي واللي بتعتبر أقدم أحياء مصر القديمة. فتحت علامتها التجارية وورشة سنة ١٩٦٩، وبعدها فتحت مدرسة عشان تعلم تصميم الحليّ.
إيفا هابيل:
إيفا هابيل كانت أول عمدة امرأة في مصر، وكانت عندها موهبة الدفاع عن حقوق الناس والسماع لمشاكلهم. من المعروف في مصر أن العمدة في القرى بيكون راجل، لكن في ٢٠٠٨ إيفا كسرت القالب ده. إيفا اتولدت في أسيوط وحصلت على ليسانس الحقوق من جتمعة عين شمس في سنة ١٩٨٠. وأسست مكتب محماة في قريتها عشان تدافع وتساعد أهل قريتها.
سهير القلماوي:
سهير القلماوي أول امرأة تحصل على الدكتوراه من جامعة القاهرة وأول امرأة تدخل قسم الأب العربي في جامعة القاهرة. من ضغرها وهي بتحب قراءة الأدب والقصص، وكانت بتقضي وقتها أنها تتعلم كل حاجة عن اللغة العربية وأنها تستفيد من المحاضرات وبدأت في الكتابة.
ياسمينة عيسى:
ياسمينة عيسى بطلة كرة الريشة من القدرات الخاصة، وهي المصنفة رقم تسعة على العالم في كرة الريشة لأصحاب الهمم وفازت بالميدالية الذهبية في بطولة أفريقيا وغيرها وغيرها من البطولات والميداليات. ياسمينة حبت كرة الريشة عشان خفتها وسرعتها اللي بتخليها تحس أنها فراشة.
آسيا داغر:
آسيا داغر رائدة الإنتاج السينمائي وتعتبر من أهم المنتجات في السينما المصرية. هي كانت من أول اللي قدم أفلام تاريخية في السنيما المصرية وكان فيلم عن شجر الدر. بصمتها واضحة في تاريخ السينما المصرية، لأنها هي من أول الناس اللي أنتجت فيلم بالألوان وهو فيلم “رد قلبي”.
درية شفيق:
درية شفيق كانت ملكة جمال ومناصرة لحقوق المرأة. في زمن كانت الست مش واخدة حقوقها الكاملة، أصرت درية أنها تكمل تعلميها وتدخل الجامعة. حصلت على درجة الدكتوراه في الفلسفة من جامعة “السوربون الفرنسية”. وكمان عملت أول جريدة للستات تخت اسم “بنت النيل”، وعملت أول اتحاد للنساء بنفس الاسم.