امبارح في الشارع كنت مـسـيِّـبـة شعري، ما كـنـتـش حَاطَّة فيه توكة، وكان هايش شوية وكيرلي. واحد قاعد على موتوسيكل جه قال لي:
“شعرك معفِّن”.
طول ما أنا ماشية في الشارع بـ سمع حاجات زي “شيكا”. نفسي أفهم إيه العلاقة بين شيكا والشعر الكيرلي. وبـ سمع تعليقات عنصرية بسبب لوني، مرة طفل صغير قعد يقول لي: “شيكولاتة شيكولاتة” زي الأغنية الـلـي في فيلم هنيدي.
بشرتي الغامقة مش حاجة وحشة؛ أنا أصلًا لوني هو اللون المصري يا جماعة، أنا مش African-American -وطبعًا مش حاجة وحشة إني أكون African-American- بس الناس الـلـي بـ تقول التعليقات دي مش بيضا فاقعة عـشـان أكون أنا بالنسبة ليهم حاجة غريبة، وما يـقـدروش مايـعـلـقـوش.
وبـ تطلع من مصريين يمكن نفس درجة اللون، فمش بـ فهم ده بـ يـيـجـي منين.
لما بـ تطلع من طفل بـحس بالشفقة؛ عــشـان بـ يـعمل الحاجات دي من غير ما يفهمها، وهـ يـفـضـل يعملها.
بصى هو مشروع فني يهدف إلى خلق مساحة حرة للسيدات والرجال فى مصر لحكي التجارب الشخصية المسكوت عنها فى المجتمع. تقوم بصى أيضًا بتوثيق وعرض القصص الحقيقية فى شكل عروض مسرحية، في مجتمعات مختلفة فى مصر.
بصي تحاول مقاومة القيود المجتمعية من خلال المسرح. تقف السيدات والرجال في مختلف المجتمعات والمدن المصرية على خشبة المسرح لمشاركة حكاياتهن/م عن التحرش والاغتصاب، والتمييز، وجرائم الشرف، والزواج القهري، والختان، والأمومة، والعنف الأسري، والاعتداء الجنسي على الأطفال، والاعتداء الجنسي الجماعي، وغيرها من الموضوعات التى يصنفها المجتمع كتابوهات ممنوع الكلام عنها.
شارك قصتك