رجب العطار هيشارك في معرض فوود آفريكا (Food Africa) ١٢ ل١٤ ديسمبر في D١٤ في القاعة ٤، هيعرض فيه أحسن منتجاته وينزل منتجاته الجديدة اللي هتشمل قهوة تركي وقرفة ومرق وغيرها كتير. رجب العطار شركة مصرية بالكامل ومنتجاتها مصرية عالية الجودة وتأسست سنة ١٩٦٥، يعنى ٥٨ سنة خبرة، وهي شركة رائدة في السوق وبقت من أكثر الأسماء شهرة في السوق في صناعة البهارات والمكسرات.
رجب العطار ماركة مصرية بتوفر المكسرات والتوابل ومنتجات التجميل الطبيعية وأكتر من كده كمان، فهما بيقدموا مجموعة كبيرة من المنتجات، زي التوابل الطبيعية والأعشاب والمكسرات وياميش رمضان. غير كده كمان، بيوفر مجموعة متنوعة من العسل والمشروبات الطبيعية والزيوت والبخور.
شركة رجب العطار دايمًا بتستهدف الاستمرار في تنوع المنتجات التي بتقدمها، وغير كده كمان دايمًا منتجاتهم طازجة وأصلية، وجودة منتجاتهم العالية نتيجة استيرادها من الدول الأقرب من منشأها. رجب العطار ليهم خمس فروع في كل أنحاء القاهرة من أكتوبر للتجمع عشان يقدر العملاء يوصلوا لهم بكل سهولة، فروعهم موجودة في هايبر 1 في الشيخ زايد، ولاسيتيه مول في ٦ أكتوبر. وبرضه موجودين في شارع الأزهر، وفي عباس العقاد، وفي مدينة نصر، وفي ميدان تريومف، وفي مصر الجديدة.
من بداية الأحداث في غزة ولتضامنهم مع القضية الفلسطينية، شركة رجب العطار بيستمر في التبرع بنسبة ١٠٪ من مبيعاته للهلال الأحمر المصري، والتبرعات متوفرة في كل فروعه ومتوفرة برضه في معرض فوود آفريكا.