فتة كفتة بصوص الزبادي

المقادير:

1\2 كيلو لحمة مفرومة

2 بصلة مفرومة ناعم

1\4 كوب أوراق نعناع طازة مفروم ناعم

1\2 كوب قرفة مفرومة ناعم

1\2 كوب بقدونس مفروم ناعم

2 ملعقة صغيرة كزبرة مطحونة

1 ملعقة كبيرة دقيق

2 ملعقة صغيرة ملح وفلفل أسود

1\4 كوب زيت في الوصفة دي أنا استعملت زيت نباتي.

طريقة التحضير:

في طبق كبير، هانخلط اللحمة المفرومة مع كل المكونات اللي قلنا عليها ما عدا الزيت. ونغطي الطبق، ونسيبه ساعة في الثلاجة. هانسخن الفرن على درجة حرارة 350م. ونشكل الخليط على شكل كرات اللحمة، حجمها متوسط. هاندهن الصينية بالزيت. ونرص الكفتة جنب بعض بس هانسيبهم بينهم مسافة. هانسيبهم الفرن من 25 لـ30 دقيقة، لحد ما تبقى مستوية بس مش ناشفة.

لحد ما الكفتة تستوي، نجهز صوص الزبادي.

2 كوباية زبادي سادة

2 ملعقة كبيرة طحينة

1 ملعقة كبيرة خل أبيض

1 ملعقة كبيرة عصير ليمون

1 ملعقة كبيرة ثوم/ مفروم

1\2 ملعقة صغيرة كمون، وملح حسب التذوق.

في طبق كبير هانحط الطحينة، عصير الليمون، والخل ونخلطهم مع بعض.

هانضيف الزبادي، الثوم، والملح والكمون، ونخلطهم مع بعض كويس.

هانشيل الكفتة من الفرن ونحط فوقيها الصوص، ونقدمها على طول، وبالهنا والشفا!

للتزيين: (اختياري)

هانسيح زبدة في طاسة، ونحط عليها صنوبر وجوز ونقلبهم لحد ما يبقى لونهم بني.

ونرشهم على الكفتة، ومعاهم رشة من البقدونس المفروم.