لون الإشارب وشكله ولفته بيدي شكل مختلف للبس اللي انتوا لابسينه وعشان كدة جمعنا لكم أماكن أونلاين ممكن تجيبوا منهم إشاربات مختلفة وجديدة هتغير شكل لبسكوا.
إيما
على طول عندهم تشكيلات جديدة للطرح واللي هتتحمسوا لهم من التنوع بتاعهم وألوانهم اللي بتبقى دايمًا مُلفتة. من الحاجات المميزة عندهم هي الطرح اللي فيها أكتر من لون داخل في بعض، غير إن شكلها بيبقى حلو ومختلف فهي عملية وينفع تلبسوها على كذا حاجة.
شوفوا حاجات إيما على انستجرام: @_your_emma
وينجي
مش بس متنوعين في الأشكال والألوان، بس بيقدموا طرح مختلفة للمناسبات والسواريه وده اللي مش ناس كتير بتعمله. من أكتر الإشاربات اللي عجبتنا وكانت مميزة عندهم بالذات هي ال “African” واللي ورونا بيها إن الإشارب ممكن يبقى فيه تصميم مختلف تمامًا يزود للبس شكل لوحده.
تقدروا تتفرجوا على حاجات وينجي من على انستجرام: @winjy.scarves
لوفوال
لو بتحبوا الأشكال المتداخلة في بعضها فأكيد هتحبوا التصميمات اللي بتعملها لوفوال. من أشهر الطرح اللي بيتميزوا بيها هي الأشكال اللي داخلة في بعض واللي بتنفع لأوقات كتير من اليوم وبتبقى تغيير عن الطرحة السادة أو اللون واحد.
شوفوا إشاربات لوفوال على انستجرام: @levoilescarfs
ZIA
من النوع المبهج اللي أغلبية تشكيلتهم فيها ألوان هتدي شكل جديد للطقم كله وسهل تلبسوهم على أكتر من ستايل ولون.
حاجات زيا على انستجرام: @zia.world
Ink and Silk
لو دخلتوا عندهم هتلاقوا تشكيلتهم متتنوعة وتناسب أعمار مختلفة. في الشبابي وفي اللي ينفع لسن أكبر والاختلاف في التصميمات هيخليكوا أكيد تلاقوا الشكل اللي يعجبكوا.
تقدؤوا تتفرجوا على التشكيلات كلها من انستجرام: @inkandsilk_
TLG Fashion Studio
المكان الأنسب للديزاين الشيك للإشاربات واللي هيدي للوك بتاعكوا لمسة مختلفة تمامًا. أول ما تشوفوا صفحتهم هتحسوا إن الألوان كلها مريحة ومحتارين تختاروا إيه فيهم.
عشان تشوفوا منتاجاتهم على انستجرام: @tlgfashionstudio
