أوريفليم هي شركة مستحضرات تجميل اتأسست سنة 1967 وليها فروع في أكتر من 60 دولة وتاريخ من المنتجات السويدية المستوحاة من الطبيعة بتتباع وتتسوق من خلال حوالي 3 مليون مستشار تجميل في أوريفليم.
لأننا من السويد، عندنا وجهة نظر مختلفة عن الجمال والبيزنس. بالنسبة لنا، الجمال هو الطريقة اللي بتعيشوا بيها وكل حاجة حاسينها وشايفينها وفي التصرفات والأفعال اللي بتعملوها ده كله بيعبر عن جمالكم.
احنا مجتمع من الناس، عندنا شغف بالجمال وتحقيق الأحلام. هدفنا ومهمتنا هو مساعدة الناس عشان يحققوا أحلامهم. بنعمل كدة من خلال تقديم مجموعة شاملة من منتجات التجميل اللي اتصنعت في السويد للعملاء، مع التركيز على العناية بالبشرة. احنا كمان بنقدم فرصة عمل للناس عشان يبنوا شغلهم الخاص كمستشارين تجميل مستقلين في أوريفليم، يبيعوا منتجاتنا ويعينوا ناس أكتر للبيع.
الناس بتنضم للشركة بتاعتنا عشان هم عايزين يغيروا حياتهم – سواء كبير أو صغير – وعشان عندهم حلم. احنا بنشجع موظفينا ومستشارين التجميل عشان يفضلوا ورا حلمهم ويخلوا العالم اللي حوالينا أحسن وأكيد أجمل.
احنا فخورين إن أوريفليم بقالها أكتر من 20 سنة في السوق المصري وده بيدي فرص لناس كتير – بالذات الستات المصرية – عشان يغيروا حياتهم ويوصلوا لأحسن شكل ممكن لنفسهم. احنا بكل فخر عندنا 13 ست ناجحة من أصل 15 الأوائل في أوريفليم مصر، اتنين منهم مصنفين من أفضل 15 على العالم وهم راوية عفيفي، رقم 4 ونسرين طلعت، رقم 7 على العالم. تمكين المرأة هو المفتاح الأساسي اللي معتمدة عليه أوريفليم.
مستشارين أوريفليم مصر بيتكافئوا بشكل مستمر على إنجازاتهم. أخر تكريم لهم كان في العشاء السنوي اللي عملته أوريفليم في فبراير في إنتركونتيننتال سيميراميس القاهرة لتكريم أفضل الأعضاء واللي حضره المدير العام لأوريفليم مصر الأستاذ/ بدر عزيز، ونائب الرئيس والمسئول عن أفريقيا وايبيريا الأستاذ/ أمير مورتازافي وتشرف الحفل بوجود السفير السويدي يان تيسليف .أحيا الحفل الفنان/ محمود العسيلي والفنانه والراقصة الشهيرة دينا والعديد من الفقرات الإستعراضية الأخرى، وتم الإعلان عن شعار السنة وهو، #شاركنا_حماسك2020.
مشاركة الحماس هو عبارة عن الطاقة والشغف اللي جواكوا. لما تبقوا شغوفين بحاجة وتشاركوها مع غيركوا، ده هيسيب أثر إيجابي عليهم. هيخليهم يهتموا ويتفاعلوا مع اللي انتوا بتقولوه. الموضوع كله في إزاي بتحكوا قصصكم وشغفكم بحماس. #شاركنا_حماسك2020 هو لتشجيع كل حد عشان يبين الأسلوب الإيجابي والحيوي بتاعه، لأن الحماس بيتنقل بالعدوى ولو شاركتوا بشغفكم، الناس هتبدأ تقلد أسلوبكم وطريقتكم.
أنجح الستات من ال15 الأوائل في أوريفليم مصر بيشاركوا حماسهم مع العالم بالترويج لأوريفليم وثقافتها في تحويل الأحلام لحقيقة. النظام ده بيسمح لكل مستشار إنه يطلع أحسن ما عنده. أوريفليم عارفين بجد إزاي يدوا مثال رائع للمرأة المستقلة القوية.
هو ده الجمال بطريقة أوريفليم السويدية اللي هتساعدكوا توصلوا لشكل وإحساس وحياة أحسن. هو ده الجمال اللي عنده القوة لتغيير حياة الناس.
Thanks oriflam
My Love