مدربة اليوجا النباتية شاما عارفة كويس إزاي تقضي رمضان بطريقة صحية جداً! اتكلمنا مع شاما كاور علشان نتعلم من نصائحها لنظام غذائي صحي خلال رمضان.
إيه بديلك الصحي المفضل عن أكلات رمضان اللذيذة لكن غير صحية؟
أنا بقترح عمل تحلية نباتية في البيت. في حاجات اسمها أطباق الطاقة؛ ممكن مثلاً تعمل فادج الشوكولاتة، كيكة جزر، وأنواع تانية كتير لذيذة. اعمليهم في البيت وخديهم معاكي في بوكس صغير لأي عزومة أو تجمع
إيه أحسن تمرين ممكن يتلعب في رمضان؟
التأمل أكيد. إحنا بنقضي السنة كلها نمرن جمسنا، يمكن رمضان فرصة نمرن عقولنا وروحنا، بما إن معدل أكلنا بينقص.
إيه النصائح اللي بتنصحي بيها علشان يفضل الجسم محافظ على المياه والترطيب بتاعه؟
أكيد نقلل كميات الملح والسكر؛ لإن كل ما كانت كمياتهم كبيرة في نظامك الغذائي كل ما هاتبقى عطشان جداً طول ساعات الصيام. ثانياً في الوقت اللي مش بتبقى صايم فيه اشرب كميات كبيرة جداً من المياه، بس مش دفعة واحدة، لأ على دفعات وفي ساعات متوافتة. حاجة أخيرة البطيخ مع الملح مفيد جداً، علشان بيزود نسبة لإلكتروليت في الجسم، وكمان الخيار.
إيه عاداتك في الأكل في رمضان؟
لما بصوم بفطر ببطيخ ومياه، وبعد ساعتين بأكل وجبة. أنا نباتية فباكل خضار في الفرن، سلطة، رز مع فاصولياء أو عدس. وقبل ما أنام ممكن آكل فاكهة لإني مابتسحرش.