أي واحدة بتقرر تطلق بيبقى في بالها أسئلة كتير، زي: هل أولادي هايفقدوا الإحساس بالأمان؟ إزاي هاعرف أربيهم لوحدي؟ هل هايحسوا إنهم أقل من زمايلهم في المدرسة؟ الخ، بس لو فكرنا في السيناريو التاني لطفل عايش مع أب وأم مابيطيقوش بعض ودايماً بيتخانقوا، هايكون إيه تأثير ده على نفسيته؟
علشان كدة كتبنالك 5 أسباب ليه الطلاق ممكن يكون الحل الأمثل ليكي ولأولادك:
أولادك مش هايشوفوا أسوأ حاجة فيكوا:
إبنك مش هايشهد عصبيتك، توترك، ضعفك، وحزنك. وكمان مش هايكون موجود وقت لما تفقدي أعصابك وتبدأي تشتمي وتزعقي. دايماً هايشوفك وإنتي قوية ومتماسكة وهادية، وبتتعاملي مع المواقف بطريقة متحضرة.
هايتعلموا يحاربوا علشان سعادتهم:
كونك إتطلقتي ده معناه إنك مش قادرة تقبلي تعيشي في علاقة بتضطهدك وبتئذيكي نفسياً وبتخليكي تعيسة. ودي طريقة عظيمة تعلمي بيها ولادك إنهم يقدروا يتحكموا في حياتهم، وإنهم لازم يبعدوا ويتجنبوا أي حاجة بتسببلهم التعاسة، من غير ما يحسوا إنهم ضحايا أو مضطهدين.
كونك إتطلقتي ده معناه إنك مش قادرة تقبلي تعيشي في علاقة بتضطهدك وبتئذيكي نفسياً وبتخليكي تعيسة.
هايفهموا إن الحياة مابتقفش مهما حصل:
الطلاق هو بداية حياة جديدة، علشان كدة التعلم من تجارب وأخطاء الماضي هو المفتاح لمستقبل مشرق أكتر. الحياة بتستمر، هاتقدري تقابلي ناس جديدة، وتكوني علاقات مستقرة أكتر. مهم جداً إن أولادك يفهموا إن مهما خسروا ناس في حياتهم دايماً هايقابلوا ناس جديدة أحسن وأنضف.
الطلاق هو بداية حياة جديدة، علشان كدة التعلم من تجارب وأخطاء الماضي هو المفتاح لمستقبل مشرق أكتر. الحياة بتستمر، هاتقدري تقابلي ناس جديدة، وتكوني علاقات مستقرة أكتر.
هايتعلموا الصبر:
كون إن باباهم ومامتهم عايشين في بيتين منفصلين، أولادك مش هايبقى عندهم القدرة إنهم يطلبوا أي حاجة هما عايزينها بسهولة. هايضطروا يستنوا لحد ما يزوروا والدهم ويطلبوا منه إذنه أو الحاجة اللي هما عايزينها. هايتعلموا إن مش لازم كل حاجة تجيلهم في نفس اللحظة، لازم يخططوا ويبذلوا مجهود علشان يوصلوا للحاجة اللي عايزينها.
الطلاق مش القرار الأمثل في الحياة، لكنّه بيكون أحسن قرار ممكن تاخديه في حق أولادك علشان تحميهم من تشوهات نفسية كتير ممكن يكبروا بيها.