لو رحتوا دهب قبل كدة او دي المرة الأولى اللي هتكتشفوها فيها، دي الحاجات اللي محتاجين تعرفوها وهتلاقوا هنا الدليل لكل اللي ممكن تعملوه في دهب. افتكروا إن دهب من أحلى الأماكن اللي ممكن تروحوها، كل الناس مبتسمة في دهب. تقدروا تحسوا باجواء المدينة اللي كلها حماس من وانتوا ماشيين في الشارع. دي الحاجات اللي الناس بتبتسم في دهب بسببها!َ
الغطس
لو انتوا محترفين في الموضوع أو لأ، مدربين الغطس في دهب هيساعدوكوا في الطرق الآمنة والمريحة للغطس. تقدروا تعملوا غطس للترفيه مع مرشد أو تبدأوا تتعلموا عشان تبقوا محترفين في المكان اللي متقيم ضمن أفضل مناطق الغطس في العالم.
ترشيح لمركز للغطس: Scuba Seekers Diving Center.
الغطس الحر
دي تجربة مختلفة تمامًا وهتتعلموا فيها إزاي تقدروا تعوموا وانتوا مرتاحين تحت المياه بناءً على التنفس بتاعكوا. الموضوع كله متعلق بالارتخاء وانكوا تستمتعوا بالعوم. تقدروا دايمًا تجربوا حصة غطس حر وتشوفوا إزاي ممكن تسيبوا نفسكوا وتستمتعوا بده.
الترشيح: Dahab Freedivers Center.
السنوركلينج
شعب كتير ملونة وأسماك بأحجام وألوان مختلفة هتشوفوها، كل اللي هتحتاجوه هو ماسك وأنبوبة تنفس وتقضوا ساعات متواصلة وانتوا بتكتشفوا شعب دهب المرجانية.
الترشيح: Eel Garden and Lighthouse.
ركوب الموج
في أماكن فيها هوا كفاية تخليكوا تقدروا تاخدوا اللوح وتركبوا الموج على البحر. سواء ليكوا في ركوب الموج أو الطيارات الورق فدهب هي المكان المناسب لده. ولو عايزين تتعلموا، في مراكز كتير ممكن تساعدكوا.
كاياك وتجديف
لما مبيبقاش في هوا، المياه في دهب بتتحول لحمام سباحة كبير ودي فرصة كويسة للتجديف أو عشان تاخدوا كاياك في المياه وتشوفوا المناظر الطبيعية وانتوا في المياه. دوروا على الكاياك الشفاف، هتلاقوها تجربة مختلفة.
الترشيح: Red sea relax resort.
رحلات المركب
جمعوا صحابكم أو اعملوا صحاب جديدة وخدوا مركب في النهار هتاخدكوا لكل المناطق الحلوة في البحر. هتقدروا تعوموا في المياه الصافية وتاخدوا وجبة حلوة وترجعوا تاني على الغروب:
الترشيح: موقع جبر البنت.
الشروق والغروب
جبال وبحر وجو جميل وصحرا! حبة مشي في وسط الجبال على البحر ومرتفعات بسيطة هتخليكوا تشوفوا أحلى منظر في دهب سواء في الشروق أو الغروب.
تسلق الجبال
أنشطة كتير محترفة لتسلق الجبال بتحصل هنا! طرق مختلفة ومناطق كتير عشان تناسب كل الناس مهما كان مستواهم. لو لسه مبتدأ أو محترف، فدهب المكان الصح عشان تجرب.
الترشيح: وادي جني
الأكل
لو انتوا من الأكيلة فاجهزوا عشان عندكوا حاجات كتير تجربوها. عشان دهب ملتقى مهم للأجانب، فيها مطاعم من خلفيات مختلفة فهتلاقوا الإيطالي والصيني والهندي والروسي والنباتي والمصري أكيد. غير ده، في سوق الجمعة بيبقى في أكل بيتي من كل مكان في العالم. لو حسيتوا انكوا بتعرفوا تعملوا حاجة عايزين العالم كله يجربها، بتحجزوا مكان في سوق الجمعة وتقدموها.
الترشيح: Red Cat, Athanor, Chinese Express, Dai Pascatori, King Chicken و Namaste.
الوادي الأبيض والملون
تجربة مختلفة لما تقضي يوم بتكتشف وديان مختلفة. المشي هناك لوحده يجنن وبتبقى فرصة كويسة تتواصلوا مع الطبيعة وتستمتعوا بالهدوء برة المدينة.
الترشيح: Insight seekers.
عشا في الجبل
عشا بدوي ونار مولعة ومنظر النجوم في السما وتمشية ما بين الجبال. محتاجين نقول أكتر؟
الترشيح: Barracuda Adventures.
يوجا على البحر
لو بتحبوا اليوجا، فهتلاقوا يوميًا حصص يوجا بتحصل كل يوم على البحر. فلو في فرصة ليوجا على منظر البحر، ليه لأ؟
الترشيح: The Coffee Wheel Rooftop، روح، نور.
بلو لاجون
لو ماروحتوش البلو لاجون يبقى كأنكوا مروحتوش دهب واللي هي من أكتر الأماكن الحلوة في مصر. بتاخدوا تاكسي يوديكوا للبلو هول. وبعدين تاخدوا مركب صغيرة توصلكوا لأبو جالوم ومن هناك بتركبوا تاكسي عشان يوصلكوا لواحدة من أحلى المناظر الطبيعية وهي البلو هول. (كل المواصلات على بعض بتاخد من 30-45 دقيقة).
يوم في لاجونا
على قد ما الموضوع بسيط بس كل اللي هتحتاجوه هو انكوا تجهزوا السناكس والمشروبات بتاعتكوا ومزيكا حلوة وتقضوا يوم بمنظر مش طبيعي على البحر وباصين على البحيرة والجبال في الخلفية.
الشوبينج
لازم تعدوا على السوق في المشربة والممشى على البحر. شوفوا يفط دهب ولبس دهب المميز والأعشاب وكل اللي ممكن يديكوا روح المدينة وانتوا هناك.