ساندويتش السحور!

مفيش حاجة ألذ من ساندوتش فيه كل الحاجات اللي بنحبها مع بعض!

الساندويتش ده مش بس طعمه حلو؛ هو كمان مختلف شوية، لإنه بيجمع كل مكوّنات السحور الأساسية في  رغيف واحد هايخليكي شبعانة طول اليوم.

المقادير

1 علبة فول مدمس، مهروسة

4 بيضات، مسلوقة

1\4 كوباية جرجير متقطع

1\2 كوباية طماطم متقطعة مكعبات

شرائح بسطرمة

جبنة فيتا

عيش\ فينو

طريقة التحضير: في كل ساندويتش ابدأي بطبقة من الفول المدمس، وفوقيها قطعة بيض مسلوقة، وشريحة بسطرمة، وضيفي عليهم الخضروات، وأخيراً قطع الجبنة الفيتا. ماتنسيش إن دي حاجات متركبة على بعض، يعني ممكن تضيفيلها اللي إنتي عايزاه، أو تشيلي منها اللي إنتي عايزاه.