المسلسلات اللي مستنيينها في رمضان ٢٠٢٤

باقي أيام قليلة على مسلسلات رمضان ٢٠٢٤، واللي بيعتبر الموسم ده واحد من أقوى المواسم للدراما وبالذات في السنوات الأخيرة، وده بسبب مشاركة عدد كبير من النجوم، ومنافستهم بأعمال مختلفة متنوعة ما بين التشويق والأكشن والكوميديا والدراما الاجتماعية وغيرهم كتير، عشان كل محبي الدراما الرمضانية دي أكتر الأعمال اللي احنا مستنيينها في رمضان ٢٠٢٤:

لانش بوكس

المسلسل بيتكون من من ٣٠ حلقة وبيحكى عن ثلاث ستات، أختين وصاحبتهم واللي بتضطرهم الظروف القاسية للسرقة، وبعدها بيفتكروا إن حياتهم هتتحسن لكن بيتفاجأوا إن أحوالهم بتتدهور، وده بيحصل في إطار اجتماعي كوميدي. وهو النسخة المصرية من المسلسل الأمريكي “Good Girls”. ومسلسل “Good Girls” اتعرض منه خمسين حلقة في الفترة من ٢٠١٨ لحد ٢٠٢١ وحقق نجاح كبير على مستوى العالم. المسلسل هيكون بطولة غادة عادل وجميلة عوض وفدوى عابد، سيناريو وحوار عمرو مدحت، وإخراج هشام الرشيدي. وبيشارك في بطولته صدقي صخر وأحمد وفيق وشاهين وأسامة أبو العطا وأحمد الشامي.

مسار إجباري

المسلسل من بطولة الفنانين الشباب أحمد داش وعصام عمر، بتدور قصة الفيلم عن طالب جامعي اللي بيتفاجأ بوجود أخ ليه بعد وفاة والدهم، وهو لازم يواجه الصدمة ويتعايش. والمسلسل يعتبر من الأعمال الدرامية الاجتماعية، وبيشارك في بطولته بسمة وصابرين ومي الغيطي وياسمينا العبد ونور إيهاب وجوري بكر ورشدي الشامي ومحمود البزاوي وخالد الصاوي ومحمد لطفي. المسلسل بيتكون ١٥ حلقة، ومن إخراج نادين خان وتأليف باهر دويدار وسيناريو وحوار أمين جمال.

كامل العدد +١

بعد النجاح الكبير الجزء الأول من كامل العدد، المجهور مستني الجزء التاني. وبتدور الأحداث المسلسل في إطار اجتماعي خفيف، وفيه بيواجه ليلى وأحمد مشاكل جديدة عن ولادهم وحياتهم الزوجية، أحداث اللي حصلت في الجزء الأول اللي اتعرض في شهر رمضان الماضي ٢٠٢٣. هيكون من بطولة دينا الشربيني وشريف سلامة وإسعاد يونس وصدقي ضخر وأحمد كمال وجيهان الشماشرجي. المسلسل إخراج خالد الحلفاوي وتأليف رنا أبو الريش ويسر طاهر.

صلة رحم

المسلسل بتدور قصته حول الصراعات العائلية، بتقدم يسرا اللوزي شخصية هايدي وهي شخصية مركبة عندها مزيج من المشاعر المتناقضة. وبيشارك في بطولة المسلسل النجم إياد نصار وأسماء أبو اليزيد وعلي الطيب ودنيا ماهر، ومن تأليف محمد هشام عبية، وإخراج تامر نادي.

الحشاشين

بتدور أحداث المسلسل في إطار تاريخي، في القرن الـ ١١، عن زعيم الحشاشين الحسن الصباح، وعن قيادته للفرقة اللي اشتهرت بتنفيذ عمليات اغتيالات دموية لشخصيات مرموقة في المرحلة دي. من بطولة كريم عبد العزيز وفتحى عبد الوهاب ونيقولا معوض وميرنا نور الدين وأحمد عيد وإسلام جمال ومحمد رضوان وسامى الشيخ وعمر الشناوى ونور إيهاب وسوزان نجم الدين وياسر علي ماهر وبسنت أبو باشا وعدد كبير من الفنانين، وهو من تأليف عبد الرحيم كمال، وإخراج بيتر ميمى، وإنتاج شركة سينرجى.