كلنا كنّا بنعمل حاجات غلط وإحنا صغيرين، فطبيعي ولادنا كمان يبقى ليهم غلطاتهم. ولإن مرحلة المراهقة أكتر مرحلة صعبة في عُمر أولادك، لازم تقربي منهم وتخليهم يحسوا إنك صاحبتهم علشان يحكوا لك اللي بيحصل معاهم ومايخبوش عنك حاجة وتركزي مع كل حاجة بيعملوها علشان في حاجات ممكن تكوني فاكرة إنها عادية، بس في الحقيقة بتكون مؤشر لخطر كبير زي:
1- لو دايماً بتلاقي إزازة مياه معدنية مستخبية تحت سرير إبنك أو بنتك، دي غالباً فودكا مش مياه عادية.
2- لو بتلاقي أحياناً في رقبة بنتك لون غريب ومتغير عن الطبيعي، فده ممكن يبقى أثر love bite وهي بتحاول تخبيه بالفاونديشن.
3- لو إبنك دايماً بييجي البيت عينيه حمرا، فـ في إحتمال كبير إنه يبقى بيشرب حشيش.
4- لو فاكرة إن بنتك مابتنزلش أي حاجة على السوشيال ميديا وبروفايلها مفهوش أي صور ليها ولا بوستات، وحاسة إنها منطوية فـ إنتي محتاجة تفكري تاني لإنها ممكن تبقى حطاكي في limited list.
5- النوادي الليلية مش بتقدم عصير تفاح بس، بيقدموا مشروبات تانية، و مابيسألوش إبنك عنده كام سنة قبل ما يطلب يشرب حاجة، فممكن الكوباية اللي إبنك ماسكها في الصورة ماتبقاش كوباية عصير تفاح ممكن تبقى أي مشروب كحولي.
6- لو إبنك مابقاش يشغل اللاب توب بصوت عالي زي ما كان بيعمل زمان وبقى دايماً حاطط السماعات في ودانه، مش معناه إنه بدأ يهتم ويراعي الناس في البيت، ممكن جداً يبقى بيتفرج على أفلام إباحية.
7- لو بتسمعي دايماً صوت بنتك من أوضتها وفاكرة إنها بتتوجع من البيريود، فكري تاني لإنها ممكن تبقى بتتكلم مع حبيبها.
8- لو لقيتي براونيز عند إبنك في الدرج، إتأكدي تاني إنها بروانيز علشان ممكن تبقى هاش براونيز.
وقبل كل ده حاولي تكوني صاحبة ولادك مش بس مشرف عليهم، وعلاقتك بيهم تكون أكتر من علاقة أم مضطرة دايماً تفتش ورا ولادها؛ لأنك لو قرّبتي منهم وفهمتيهم مش هايكونوا مُجبرين يخبوا عنك حاجة.
ترجمة: تسنيم عبدالله
