“بيت متّى” مشروع مانقدرش نقول عنه غير إنه مشروع مُلهم جداً ومُبهر بكل المقاييس. مشروع من أفكار وتصميمات مصمم الديكور الفنان بيتر متّى؛ بيتر بيعرف يعمل كل حاجة، من تصميم المجهورات، واكسسورات البيت، والأثاث والتصميمات الداخلية.
بس الملهم والمختلف في قصة نجاح بيتر، إنه مش بس قدر يتفوق ويصنع اسم لنفسه في مصر. هو كمان وصلل لعالمية وجزء من مشغولات “بيت متّى” بقت تتعرض وتتباع في جزير “ميكونوس” اليونانية، واللي بتعتبر مدينة سياحية معروفة. الموضوع مجاش بالصدفة، تصميمات بيتر وألوانها، واختلافها، والمجهود اللي بذله في شغله كان السبب في الإنطلاقة دي.
في البداية بيتر كان بيعرض شغله وتصميماته في الجونة. بيتر بيقول “في أول سنة بدأت اشتغل فيها وأصمم ديكور كنت نشيط جداً، وانتجت شغل بكميات كبيرة جداً، ولحد دلوقتي بعد ما عدى ثلاث سنين أنا فخور بيهم جداً وماظنش أني عملت أحلى منهم.”
“في أول سنة بدأت اشتغل فيها وأصمم ديكور كنت نشيط جداً، وانتجت شغل بكميات كبيرة جداً، ولحد دلوقتي بعد ما عدى ثلاث سنين أنا فخور بيهم جداً وماظنش أني عملت أحلى منهم.”
دي مش أول مرة تتجواد تصميمات “بيت متّى” في ميكونوس. بيتر بيقول: “بدأت البراند في 2013 وعملت معرض صغير في Caique boat صاحب المكان صديق ليا وهو كمان فنان عظيم. فقررنا نعرض إن تصميماتي تتعرض هناك مؤخرا”. السنة دي “بيت متّى” راجع بكولكيشين أكبر وأقوى في ميكونوس. كولكيشين مستوحاة من الحضارات الفرنسية والإيطالية والهولندية. وإحنا متوقعين إن تصممياته هاتكون هتبقى في واحد من أفخم المحلات في ميكونوس.
ولما سألنا بيتر عن سر نجاحه وإيه الخطوات اللي بيتبعها دايماً، قال: “أهم الحاجات اللي بتفيد أي عمل فني، أو تصميم هي الأختلاف لإنه مفتاح التميز، و الدقة في التفاصيل، ولازم دايماً تسمع لقلبك واحساسك الداخلي، ومهم جداً إنك تعرف تتقبل الأراء وتسمعها كويس وتستفيد منها، وتتعاون مع ناس أكتر”.
من احلى الحاجات في “بيت متّى” بشكل خاص، وفي المشاريع المصرية بشكل عام، إنهم بيدعموا الحرفيين المصريين، اللي بيكون كتير منهم ستات الفنانات، اللي واجهوا صعوبات وعقبات كتير في شغلهم في السنين اللي فاتت. بيتر بيوضحلنا النقطة دي أكتر: “أنا بحب أدعم الحرفيين في مصر بشكل عام، وخصوصاً الستات منهم، علشان كدة بشتغل مع منظمات غير هادفة للربح بتدعم الستات اللي مش مقتدرين مادياً بشكل كافي؛ وقدرنا نعمل مشروعين ناجحين جداً الصيف اللي فات”.
بنتابع خطوات مشروع “بيت متّى” وإحنا متحمسين وواثقين إنها في يوم من الأيام هاتوصل لدول كتير في العالم، وهاتكون ماركة عالمية في تصميم الأثاث واكسسوارات البيت. ومتأكدين إن بيتر هايقدر يحقق حلمه ويوصل مشروعه لـ إيبيزا وميامي زي ما وصل لميكونوس؛ومش بس كدة و يبدأ يصدر تصميماته كمان.
ترجمة: تسنيم عبدالله
