معاناة المحجبات في البلاد الأجنبية، ذنبهم ولا ذنب العالم؟

 

 

 

مؤخراً إنك تمشي في بلد أوروبية وإنتي مغطية شعرك بالحجاب الإسلامي مابقتش حاجة سهلة، بسبب داعش والرعب اللي ناشرينه في كل دول العالم؛ مانقدرش نلوم حد لما يخاف أو يبعد عن أي واحد أو واحدة مسلمة. مفيش حد يقدر يتصوّر الصراعات اللي بتمر بيها البنت المحجبة في الدول الأجنبية، إلا لو كانوا هما كمان بيمرّوا بنفس الظروف.

دي مجموعة نصايح تعمليها علشان تتعاملي مع الموقف:

  • ابتسمي لما تلاقي حد بيبصلك وبيبرقلك

لما حد بيصلك أوي، من فوق لتحب بقرف، أو يتكلم عنك للي ماشيين معاه، بصيلهم في عينيهم وابتسميلهم. وكأنك بتعلني السلام، وده هايخليهم يتكسفوا من نفسهم ويحترموكي.

  • خلي في مسافة بينك وبين أي حد على الأقل عشر خطوات

لو كانوا شجاعين كفاية إنهم يهينوكي، لازم تاخدي إحتياطاتك وتكوني حذرة، وتخلي مسافة عشر خطوات بينك وبينهم، لإنك ماتعرفيش الموضوع ممكن يكبر ويوصل لحد فين.

  • ماتبادريش بأي حاجة

ماتتكلميش مع حد غريب في الشارع، لإنك غالبا هاترعبيه. لو كنتي تايهة وعايزة تسألي حد اختاري مين اللي تسأليه، لإن في احتمال كبير الشخص ده يبعد عنك قبل أو بعد ما يشتمك. والأفضل إنك تستعملي الـ GPS.

  • ارجعي، وماتستلميش

هايبقى صعب إنك تلاقي شغل، لإن أغلب أصحاب الأعمال بيدوروا على حد مالوش خلفية أو مظهر ديني، بس لازم تبيني إصرارك، ومبادئك، ومؤهلاتك.

  • عبّري عن نفسك

أحياناً الموضوع بيبقى مضحك أكتر من كونه مخيف، في أجانب كتير ممكن يسمّوا حجابك اكسسوار، أو مايبقوش فاهمين ده بيمثل إيه. بس دايماً تقدري تكوني على طبيعتك لما تعبّري عن نفسك وتفهميهم الهدف من الحجاب بطريقة سهلة وبسيطة.

طبيعي تخافي لما حد سكران يعدي جنبك، وتبقي قلقانة وخايفة من كل الوشوش، وماتبقيش عارفة تندمجي في المجتمع ده في البداية. هاتحتاجي وقت علشان تُدركي إن مش من حق العالم إنه يلومك على مشاكله وظروفه، ولو اتخليتي عن معتقداتك ومبادئك مش هاتعيش حياة سعيدة ولا هاتعرفي تكوني نفسك. لما كل حاجة حواليكي تبقى صعبة اسألي نفسك تقدري تستحملي قد إيه؟ والإجابة هاتعرفي بيها تقدري تتحملي تكوني محجبة في بلد أجنبي ولا لأ.

 

No Comments Yet

Leave a Reply

Your email address will not be published.