إحنا كستات، دائماً بنجري علشان عندنا معاد، أو تسليم، أو طفل بيعيط. وساعات أحسن علاج علشان نسترخي شوية هو يوم في السبا.
ماخترناش غير سوفيتل الجزيرة علشان يدلعنا. ومفيش انبساط أو دلع أكتر من اللي لاقيناه هناك. اخترنا من قائمة الحمامات حمام كليوباترا، علشان إحنا نستاهل نتعامل معاملة الملوك. خرجنا طايرين في السحاب بعد ما كان الألم بياكل كل جزء في عضلاتنا.
الجاكوزي، حمام البخار، المكون من زيوت، ورد، ولبن. اللبن بيرطب وبينعم البشرة. وتأثيره ملحوظ جداً في ساعتها.
بعد ما خلاص الحمام، كنّا خلاص بدأنا نحس باسترخاء وراحة. بس كان لسة في تاني. عملنا سكراب، لمدة نص ساعة. لإن الشاور كل يوم مش كفاية، الجسم بيتراكم عليه أتربة ودهون كتير. السكرب خلى بشرتنا أنعم وريحتها أحلى.
وأخيراً، المساج. استمتعنا بساعة كامل من أحلى وأخف مساج جربناه في حياتنا. ودي كانت أجمل نهاية لتجربة ملكية.
بعد ساعات من الدلع، بقينا مستعدين نواجه العالم تاني. سبا راقي، فخم، مريح للأعصاب، وخدماته كاملة. جربوه ومش لازم تشكرونا!
ترجمة: تسنيم عبدالله
