عديتي الأربعين سنة ونفسكِ تحملي؟

ترجمة: تسنيم عبدالله

لو بقيتي في الأربعينات، وكنتي مأجلة الخلفة لظروف شغلك، أو علشان ماكنتيش واثقة من شريك حياتك، أو ببساطة علشان ماكنتيش لسة مستعدة. وفجأة لقيتي إنك بقى عندك أربعين سنة ومش عارفة تقرري تحملي ولا لأ، صحيح إمكانية حصول حمل بتبدأ تتضاءل كل ما تتقدمي في السن وبالذات في الأربعينات بس مش مستحيلة.

الحمل في الأربعينات له فوايد وأضرار كتير، الفوايد:

  • خدتي وقت كفاية إنك تشوفي العالم وقدرتي تكوّني خبرات.
  • بقيتي مستقرة ومكتفية مادياً وعارفة مستقبلك وشغلك ماشيين إزاي.
  • الترابط بينك وبين جوزك بقى قوي جداً، وده هايساعدك تكوني أسرة سعيدة.
  • قرارتك كأم هاتكون حكيمة أكتر.
  • هاترجعي للشغل بسرعة بعد أجازة الولادة لإن مكانكِ في الشغل مهم لمديرينك ومرتبطين بيكي.
  • تركيزك كله هايكون موجّه لطفلك، مش لنفسك ولا لخروجات أو سفر أو شغل؛ علشان إنتي قدرتي تحققي وتعيشي كل ده قبل مرحلة الأمومة.

الأضرار:

  • كل ما اتقدمتي في العمر كل ما بيكون أصعب إن يحصل حمل بالذات بعد سن الـ 45
  • عملية التبويض بتتغاير في بدايات الأربعينات، عن نصها، وعن آخرها كمان. مستوى التبويض بيقل جداً في الأربعينات.
  • وإنتي في الأربعينات هاتكوني معرضة أكتر إن يجيلك الأمراض اللي ممكن تيجي مع الحمل زي إرتفاع ضغط الدم أو السكري.
  • في خطورة إنك تواجهي تعقيدات في الولادة، أو إنك تولدي طفل وزنه مش مكتمل.
  • إحتمالية الإجهاض وعدم إكتمال الحمل بتكون نسبتها كبيرة في الأربعينات.

وفي كل الأحوال دايماً في الحمل لازم تتابعي مع دكتور، وتهتمي بصحتك وتقرأي كتير عن الحمل والولادة، علشان تكوني مستعدة لمرحلة من أجمل مراحل حياتك.

 

 

No Comments Yet

Leave a Reply

Your email address will not be published.