سبع فنانات فنّهم لازم يشوف النور!

الفنانات المصريات دايماً كانوا مضطهديين و ومقموعيين، ومحدّش بيقدّرهم. بس لما بيطّلعوا فنهم بيطّلعوه بكل شجاعة، وبصرخة قوية جداً، صداها مسموع. في منهم كتير كرّسوا حياتهم لفنّهم بس. حبينا نوريكم بعض النماذج من الفنانات المصريات اللي لازم فنّهم يتعرف من دلوقتي

 

فرح زادا الشيني

“الألوان بتخلي الناس سعيدة”

فرح، بنت في بداية العشرينات، عندها طاقة وطموح أكبر من السما. هي مش فنانة عادية أو تقليدية، إلهامها بيجي من المزيكا والألوان. وده الشئ اللي بيخلي فنّها ينطق. وبتقول إنه علشان تبقى مش تقليدية الموضوع  صعب شوية، بس المفتاح للنجاح هو روحك والإيمان بموهبتك و فنك. وهي مؤمنة إن الشخص لازم يثق في فنّه، وإنه يقدر يعمل بيه اختلاف و تغيير، حتى لو هيغير حياة شخص واحد بس. لا يمكن تتصور الأثر اللي ممكن فنّك يسيبه في إنسان. وممكن كمان تأثر على أجيال جاية كتير.

إيمي عبد الباقي

“كلنا عندنا كنوز مستخبية”

إيمي واخدة ستايل مختلف وفنّها معاصر، بيحاكي الإنسان، ورحلته، وهدفه في الحياة. إيمي واخدة فنها بجد جداً، ومبتهزرش فيه، وخلته شغلانتها الأساسية. بتقول ” انا بحس إني مُنحت موهبة مش بتاعتي، وإن الموهبة دي كانت هبة ليا علشان أعبر بيها عن العالم، وده يبقى الحافز أو أيد المساعدة لشخص فعلاً محتاجها ومستني حاجة كدة.”

هلا الشرنوبي

“فنّي مرعب”

هلا بتعبّر عن فكرة المرأة والتابوهات المحطوطة فيها في رسوماتها. علشان كدة رسوماتها مش لأي حد، هي نفسها مقتنعة بكدة. هلا بتقول: “في مرة رسمت واحدة عريانة ومعاها قنفد، الرسمة اتعرضت في دار الأوبرا، الناس كانت بتبص الناحية التانية لما تيجي قدمها! الموضوع كان يضحك”. هلا مؤمنة جداً بقضية المرأة وصورتها في المجتمع وقالت “الستات لازم تبطل تخاف، مفيش حد يقدر يتحكم فيكي أو في مستقبلك”

ماهي طارق

“فنّك هو جزء منك”

رسوماتها مليانة جمال وقوة وحرية. ماهي ابتديت في الاول في الموضة مع رسمها. “أنا عيشت حياتي للفن بس لمدة التلات سنين اللي فاتوا، وبدأت أشتغل جديد في مشروع الموضة ده، لإنه قريب جداً من قلبي وكان حاجة نفسي اعملها من زمان”. ماهي بتشوف إن ألهامها هو المرأة في حد ذاتها. وبتقول إنها بتحب جداً الستات القوية الواثقة في نفسها ومقتنعة إن الستات كائنات غامضة جداً، بتحاول تبيّن ده في معظم رسوماتها.

أمينة سالم

“مفيش حاجة ممكن تعبر عن الجمال أكتر من الست”

رسومات أمينة كلها عن المراة، وعندها اُسلوب مميز وفريد. بتختار وسائل مختلفة ومجمعة عشان تخلق مجموعة، كل قطعة ليها قصتها وحكايتها. أمينة بتقول: “فنّي بيعبر عن الجمال والإيجابية. بحب ارسم المرأة في المطلق وأظهر جمالها وقوتها.”

حنان غانم

“مهم جداً تغذي عقلك وتروح معارض”

حنان صدمت مصر بألوانها الصارخة وبورتريهات للمراة اللي تخطف القلب. وشرحت لينا إزي هي بقت كدة ” هو ده كان هدفي من البداية، هدفي الرئيسي، إني أخلق حاجة، بسيطة جداً بس بتعبر جدا عني كـ ست” بس هي ماوصلتش لده بسهولة، إنها تكتشف اسلوبها إيه بالضبط أخد منهاوقت ومجهود، و دراسة، وبحث، لحد ما لقيت نفسها.

دينا سماحة

“الناس لازم تبتدي تتعلم تفهم وتقدر الفن”

الجزء الأنثوي والمبهر في الست دي أكتر حاجة مهمة لـ دينا في رسمها. “بحب أوي أبرز جمال الستات في رسوماتي، أبين الجزء الحقيقي اللي مجتمعنا مش مبينه” بس دينا عارفة كويس الصعوبات اللي بتواجه أي فنان، وعارفة إن مجال الرسم مش سهل إن أي حد يدخله. في ناس كتير تمتلك الموهبة بس

No Comments Yet

Leave a Reply

Your email address will not be published.