ترجمة : تسنيم عبد الله
الوصفة:
لحم بقري مفروم، فراخ بافلو، شرايح ديك رومي، جبنة، خس، طماطم، بصل، ومشروم.
المقادير:
1 كيلو لحم بقري مفروم
250 جرام فراخ مخلية
شرايح ديك رومي مشوي
3 شرايح عيش توست –أو أكتر على حسب الرغبة-
1\2 كباية دقيق
1\4 كباية لبن
2 بيضة كبيرة
1 شريحة جبنة شيدر
صوص حار
2 ملعقة صغيرة مستردة
4 نقط من صوص الورشستر شاير
كمية صغيرة من الثوم المطحون
شريحتين خس
شريحتين طمام
مشروم متقطع شرايح
بصلة كبيرة متقطعة شرايح
زيت للقلي
معلقة زبدة
ريحان، نعناع، ملح، فلفل إسود، بابريكا، كزبرة، كركم على حسب الرغبة
طريقة التحضير:
حمصي عيش التوست وافرميه في الخلاط
قطعي الفراخ قطع صغيرة
اخلطي البيض واللبن مع بعض في طبق، وفي طبق تاني اخلطي الدقيق مع التوست والبابريكا، والكزبرة وملح وفلفل
حطي الفراخ في طبق خليط البيض واللبن، وبعدين في طبق الدقيق والتوست علشان تبقى مقرمشة، وبعدين حطيها في الثلاجة ربع ساعة على الأقل.
حطي اللحمة المفرومة في طبق وضيفي عليها صوص المستردة والورشستر شاير صوص، مع البصل، والثوم، وإخلطيهم كويس مع اللحمة، وبعدين ضيفي عليهم البهارات ريحان، نعناع، ملح، فلفل إسود، بابريكا، كزبرة؛ وضيفي عليهم بيضة، واخلطيهم كويس مع بعض.
إعملي اللحمة على شكل قطع البرجر، وإتأكدي إنك تسيبي فتحة صغيرة في النص علشان حجم البرجر يكبر وينفش، وحطيها في الثلاجة عشر دقايق.
هاتي طاسة قلي وحطي كمية كبيرة من الزيت، ولما الزيت يسخن حطي فيه قطع الفراخ، 6 أو 7 دقايق بعدين إقلبيهم على الناحية التانية لحد ما الجنبين يستووا.
حطي المشروم في الزيت علشان يبقى مقرمش
وفي طاسة صغيرة حطي فيها زبدة وبعدين قطع البرجر واقلبيه على الناحية التانية بسرعة بعد ما تتأكدي إنه استوى علشان مايتحرقش، وبعدين حطي العيش في الشواية علشان ياخد من طعم البرجر
حطي مكونات البرجر اللي بتحبيها على حسب رغبتك، وضيفي عليهم الخس، الطماطم، الجبنة الشيدر، الصوص، قطع الفراخ، وشريحة الديك الرومي.
وبالهنا والشفا!
