بقى طبيعي جدًا النهاردة إن أعضاء جديدة تدخل العيلة، مرات أب، زوج أم، أخوات جديدة أو أجداد بيتنقلوا للعيش مع العيلة وهكذا. تفصيل البيت عشان يناسب الأعضاء الجديدة بقى ضروري وطبيعي جدًا إن الناس تبقى عايزة تستمتع بمساحة شخصية وخصوصية حتى لو في وسط عيلة كبيرة. دي شوية نصايح ممكن تتبعوها وتطبقوها.
غرفة المعيشة
ده المكان اللي بيتقابل فيه الكل. لازم يبقى فيها كل حاجة مريحة لكل حد زي مكان للقعدة مناسب للكبار وحاجات الأطفال المفضلة. لازم كمان يبقى مساحه كبيرة كفاية عشان تستوعب احتياجات الترفيه للعيلة كلها. برضو، لازم نركز على إن يكون فيه كراسي وأماكن قعدة أكتر عشان نوفر لكل واحد مساحته الشخصية في القعدة.
غرفة النوم
لو العضو الجديد في العيلة هو أخ مش شقيق مثلًا أو جد/جدة، يبقى الأفضل إن يبقى ليهم أوضة نوم خاصة بيهم. الفصل بين الأوض بقى متاح بسهولة دلوقتي بفواصل (partitions). ده ممكن يديهم الخصوصية اللي محتاجينها مع الحفاظ على الجو العائلي. لازم ناخد بالنا إن البنات عادةً بيبقى عندهم حاجات أكتر فبيحتاجوا مساحة أكبر.
الحمام
التصميم الشامل هو مبدأ إن البيت يكون منفتح عشان يناسب كل أعضائه بغض النظر عن سنهم، حجمهم أو قدرتهم. تطبيق التصميم الشامل في الحمام هيبقى ضروري لو الأجداد بيحتاجوا مساعدة. برضو، هتبقى فكرة كويسة لو زودنا درفة أو مكان تخزين عشان الكل يحط أدواته فيها.
غرفة الطعام
في رأيي، دي لازم تبقى موجودة! معظم العائلات بياكلوا بشكل منفصل كل واحد لوحده يا في أوضة المعيشة يا المطبخ. بس في الحالة دي، لازم يبقى في مكان للأكل يكون مناسب للكل ومرحب بيهم. الأحسن يبقى في مكان مناسب للقعدة، ترابيزة ارتفاعها عادي وطقم أكل مناسب.
