اتكلمنا مع دكتور نرمين بدير عشان نعرف إزاي نهتم ببشرتنا الصيف ده مع لوريال!

دكتور نرمين بدير

دكتور نرمين بدير اتخرجت من كلية طب القصر العيني وحاليًا بتشتغل أستاذ مساعد في قسم الأمراض الجلدية في كلية الطب جامعة حلوان اللي تم إنشائها سنة ٢٠١٣.  دكتور نرمين بدير ساعدتنا نفهم أكتر إزاي كتير من منتجات البشرة ومكوناتها اللي بنسمع عنها بتفيد بشرتنا وبتأثر إزاي على صحتنا النفسية.

من أول الحاجات اللي اتكلمنا عنها مع دكتور نرمين هو دور حمض الهيالورونيك في منتجات العناية بالعين والمساعدة اللي بيقدمها للبشرة.

حمض الهيالورونيك

“حمض الهياليورونيك موجود في أجسامنا، وظيفته الأساسية يحافظ على نضارة الجلد، ويساعده يجدد نفسه ويلتئم بعد الجروح، مع الزمن والتعرض للشمس والملوثات وعوامل تانية كتير بيبدأ جسمنا يكسره وبالتالي الجلد يفقد نضارته.  حاليا عندنا مستحضرات موضعية ممكن تستخدم على الجلد، وعكس ما الناس بتتصور من الكلام دا فالعلاج الموضعي مش بديل للفيلر لكن علاج للجلد نفسه يقلل الخطوط الدقيقة ويعيد للجلد مظهره النضر لكن مش هايملأ تجويف” قالت دكتور نرمين عن حمض الهيالورونيك.

وفقًا لدكتور نرمين بدير، أكتر ٣ مشاكل للعين هي الخطوط والهالات الغامقة والاتتفاخات. المواد الفعالة ليها دور، و الكافيين من الحاجات اللي بتقلل انتفاخات العين. الهياليورونيك أسيد بيملأ الخطوط الدقيقة.

ليه بنستخدم حمض الهيالورونيك للبشرة؟

“مع استمرار التعرض للشاشات العين مرهقة أغلب الوقت، جلد الجفون هو أرق جلد في الجسم كله وسمكه فليل جدا بالتالي بيعكس جدا اي احتقان او تورم حول العين” جاوبت دكتور نرمين

امتى نستخدم حمض الهيالورونيك للبشرة؟

بعد كده اتكلمنا مع دكتور نرمين عن امتى نبدأ نستخدم سيروم للعين.

“هو آمن في أي سن، مفيش سن محدد ممكن نقول محتاج روتين، لكن أي حد بيشتغل أو يذاكر وقت طويل باستخدام شاشات بيحتاج روتين للعين.” جاوبت دكتور نرمين.

وزي ما دكتور نرمين قالتلنا “خلال أسبوعين يبدأ التأثير يظهر. بس ننصح الناس تكمل وتخليه جزء من روتين يومها 6 شهور على الأقل.”

صحتنا النفسية

في آخر كلامنا مع دكتور نرمين، اتكلمنا على تأثير العناية بالبشرة على الصحة النفسية.

“طبعًا العناية بالبشرة بتساعد على الصحة النفسية. الجلد أكبر عضو في جسم الإنسان وأول حصونه للدفاع عن نفسه، صحة الجلد جزء أساسي من الصحة العامة للجسم، والبشرة الصحية بتعكس صحة جيدة. العناية بالصحة العامة أولًا بتنعكس على الجلد، والعناية بالجلد بتساعد كتير في الراحة النفسية والشعور بحالة صحية جيدة.”

سيروم العين من لوريال باريس

سيروم العين من لوريال باريس

لوريال باريس بمنتجاتها الغنية بحمض الهيالورونيك بتقدملنا فرصة كبيرة نهتم ببشرتنا طبقًا لنصائح دكتور نرمين بدير لبشرتنا.

السيروم المناسب للحفاظ على نضارة البشرة والعين هو سيروم هيالورون اكسبيرت للعين من لوريال باريس. سيروم العين من لوريال باريس يحتوي على ١.٥٪ من حمض الهيالورونيك و١٪ كافيين نقي لتجديد البشرة وإشراقها وتقليل ظهور التجاعيد. سيروم العين من لوريال باريس بيظهر مفعوله بعد وقت قليل جدًا.

استخدموا السيروم المناسب لبشرتكم لحمايتها في الصيف. بشرتكم وصحتكم النفسية أولًا، ركزوا معاهم واتكلموا مع الدكتور الخاص بيكم لو محتاجين استشارة جلدية.

تقدروا تعرفوا أكتر من صفحة دكتور نرمين هنا.

وتقدروا تلاقوا سيروم العين من لوريال باريس هنا.

No Comments Yet

Leave a Reply

Your email address will not be published.